Пролетери од сите земји, ебете се!
Синојка го читам еден од најголемите филозофи на планетава, С. Жижек. Човекот, неспорно е, фино се забавља, пишува рецензија за популарниот филм „Аватар“ кој досега има тро-цифрена заработка низ светските кина (тешки миљони). На самиот почеток на рецензирањето зборува за некаков холивудски марксизам. Читајќи го, некој неврон светна во мојата глава и си велам во себеси: „Како овој човек добро пишува. Како фино се забавља. Како е фино што може да патува низ целиот свет. Како е паметен. Како е ова, како е она….“
Пред месец дена го погледав филмот „Аватар“ и да ви кажам дека не се инспирирав како Жижек. Напротив, ме тресна една тешка депресија и главоболка, некои оптимисти-болничари заедно со докторска фела ме дојагностицираа: „Дечко, ти си во благ аутизам. Тешко е дека ќе се излечиш. Жив ќе останиш ама будала ќе шеташ“, што би рекол еден мој пријател со кого веќе не се гледам.
Имено, филмот е таков каков што е. Имате се што Жижек вели: инвалид, фантазмагорични луѓе наречени „Абориџини“, имате Американски индустријалци кои сакаат земјата на соништата да ја претворат во „коп“ во кој со багери ќе пронаоѓаат злато и слични трици, се во интерес на капитализмот, односно–империјализмот.
Ако е Жижек „горе“, а ние сме „долу“, има ли шанси да се проба, а еве ќе пробам – не велам не, – како е да се анализира еден светски филм и еден светски филoзоф „од долу према горе.“
Демострациите во Македонија се толку килави што е просто зачудувачки. Кај нас има разочарани луѓе на сите работни места, тргнуваjќи „од долу према горе“: млекари, лозари, земјоделци, непрофитни менаџери на „Цептер лонци“ па се до големите фирми кои незнаат што да прават со себеси, менаџментот и вработените – најразумно би било да и’ се продадат на државата – и чиста сметка. Се некако си мислат дека наместо со пазарот, „најмудро“ е да се тргува со државата. Чиста сметка, а државата повторно на своето „работно“ место.
Гледајте, се сложувам дека од досега напишаното може да се почувствува како да сум бесчувствителен, ама ви се молам: кога кај нас некои демострации вродиле со плод? Кога некои работници се избориле за своите колективни права? Кога синдикатите биле истрајни и кога до крај ги рефлектирале потребите на работниците: исплаќање на опремнина, навремена плата, топол оброк, превоз… Кога демострациите вродиле со плод а притоа системот да се тресе и да ги полни гаќите?
Пред дваесет или триесет години од минатиот век, сигурен сум дека сте гледале на интернет како некој полу-свет стои пред портите на големите компании, до израз доаѓаат нивните згужвани лица, дебели стомаци и уште подебели мускулу; обезбедуваат со палки во рацете и покварено ги гледаат демострантите и полицијата. Значи, драги мои, „Аватар“ нема да ви помогне во ништо. Капитализмот победи. Тој држи во шака се живо: судската, законодавната и извршната власт. „Аватар“, односно капитализмот е гад кој не сака никој да го предизвикува. Занемарете што 3Д Абориџините победија. Сигурни ли сте дека наскоро нема да има продoлжение во кое индустријалците–капиталистите се будат од својот „гроб“ трипати повеќе разјарени, разбудалени и со крв во устите? Не очекувате ли втор дел на „Аватар“ кој ќе трае само 15-тина минути: ќе летаа по дрвја и карпи „расклинканите“ тела на оние симпатични животинчиња; раце и нозе расфрлани на сите страни, а оние идиоти на супер моќни машини смешкајќи се со пури во забите ќе го собираат целото злато за градење на еден „поубав“, побогат и 3Д свет?
Чекајте малку, драги мои, убави и паметни читатели, а уште поубави и попаметни читателки: мислите ли дека касапењето на телата е нешто брутално и нечовечно? Не. Не! И не!!
Имам роднини кои работат во приватни фирми, задишано и сo немир во желудникот ми зборуваат за себе и за работата која ја работат: константен мобинг, закани од газдата кој тесно соработува со власта, немање на топол оброк и немање редовни плати.
На сите состаноци газдата им велел, пежоративно нормално: „вие сте амеби, вие сте мекотели, нема што да барате и да се буните, ако не ви се допаѓа – вратата е онаму. А, ако ви се допаѓа, колку е- толку е- ваше е.“
Ова се мои бедни желби, колку да си знаете. Во едно друштво мора да има некаква „противтежа на стравот“, ајде така да го наречам, затоа што едните до толку ќе се забудалат што другите секогаш, а може и засекогаш ќе бидат потчинети амеби и мекотели.
А на самиот крај, би му се обратил на познатиот светски филзоф С. Жижек: друг пат те чекаме во Македонија, дојди вамо да го размрдаш системот со демострации и протести – прв ќе ти се придружам. Многу е лесно да се зборува за марксизам кога си седнат и се „плештиш“ со Лакан на Wall Street. А твоите пролетери, што нон стоп ги „бамкаш“ по твоите интервјуа, филмови и книги, имам нешто од срце да им порачам:
Пролетери од сите земји, ебете се!
нашпознатблогер
on февруари 18th, 2010 at 10:54 pm
Одете во Америка и обогатете се!
on февруари 18th, 2010 at 10:55 pm
Коментарите ги избришав затоа што сум неписмен да ги сочувам. Постот го репринтам од сабајлево затоа што ми текна дека насловот е безвезе. Сега има нов. Некако пофин, посуштински е.
Простете!
on февруари 18th, 2010 at 11:10 pm
Роберто, да речеме дека си во право. Ама велам, сочувстувам со луѓево, сакам мала револуција, борба за работнички права, ама гледам дека од тоа нема ништо. Зборувам за обични луѓе, кои работат во компании кои плачат и цмиздат. Не можеш и на нив да им речеш „Одете Америка и обогатете се“ кога до сега сите што отидоа – човеци станаа.
Друго, го гледав пред некој саат Јосифовиќ, новиот претседател на Хрватска, а за време на рекламите: ваква вода, таква вода, вакво маде, такво маде. Обичните луѓе?
Не победи капитализмот. А од друга страна еве што ми текнува: „Знаењето не е роба!“ прочитав на нет. некаде во Хрватска, па оттука:
Што е знењето ако не е роба? молиќу лепо.
Еве уште едно нешто, колку да видам дали ќе испровоцирам мал муабет:
Никола Тесла да беше жив, да не отидеше за Америка, а притоа да беше од Македонија – сега ќе беше најголема пијандура и сите ќе го заебаваат за неговите генијални изуми.
on февруари 18th, 2010 at 11:30 pm
Добравечер Ненаде!
нема кој да ме закачи на блогерајов ко нашиотпознатблогер
.. некако повторувачки је блогерајов .. ете и Роберто повторуе една застарена вистина која е ко застарено лепче, јбг таа вистина не важи поеќе илимити лепчето било вкусно до пред некој ден за денес да забуѓа .. малку да го закачиме и него 
..
.. уставри Ненад ти се јавуем заради ова ->
Напротив, ме тресна една тешка депресија и главоболка, некои оптимисти-болничари заедно со докторска фела ме дојагностицираа: „Дечко, ти си во благ аутизам. Тешко е дека ќе се излечиш. Жив ќе останиш ама будала ќе шеташ“, што би рекол еден мој пријател со кого веќе не се гледам.
.. поубаво беше у првата верзија кога беше топтан, таа реченица од цел текст ми остана запикасана во претходната, да не речам бившата да не срипа некој, верзија, она мене ми се допадна таа флуктуричка значност која сепак ми беше на некое ниво поразбирлива и со тоа повистинита .. но доста се праев да игзлеам паметен, нема фајде од тоа
.. туку глеам си го поткачил тро Жижек и тоа со слична прачка ко шо си носам и ја, и знаеш што, џабе ќе е тоа поткачуањето коа нема женска публика 
.. револуција без роза, пардон жени, не је револуција 
.. ако се водиме од ова – ќе тепа онаа општествена каста, или влас ако така милуете, која има поубави жени, тоа со парите е само меѓучекор или средство 
и нека не ве лажат комуањариве, аман доста веќе ..
on февруари 18th, 2010 at 11:47 pm
пасусот тој не ми штима Драгане, знам, ама него го исправев немаше да ми оди зборот во други контексти и потконтексти. станав сабајле во шест, удрив три цигари и почнав да пишувам. замисли како ќе биде ако пишувам текст по три или повеќе дена.
друго, јас сум црвен, Драгане, а една држава е силна колку што е силен малиот човек. во спротивно тоа е феудализам од 19 век.
Во тоа што те разбрав во тоа и ти реплицирам.
А Роберто гледам некој менаџер станува. Ако, сега ќе има кај да барам пари, само да го начекам.
on февруари 19th, 2010 at 12:34 am
Прво сакав да ти пишам коментар, но си помислив дека повеќе би сакал пост посветен на ТЕБЕ.
http://novek.blog.mk/2010/02/19/zizek-no-pasaran/
Благодарност примам кај мене на блог…
on февруари 19th, 2010 at 1:20 am
[...] За Ненад [...]
on февруари 19th, 2010 at 1:56 am
[...] се мои бедни желби, колку да си знаете. Во едно друштво мора да има некаква „противтежа на [...]
on февруари 19th, 2010 at 6:36 am
Фала на Блогерај Ентерпрајз што ме ставивте на насловна. Фала што ме рекламирате.
on февруари 19th, 2010 at 9:08 am
…Блогерај Ентерпрајз поштуе добар муабет…
)
(ова не дека ја сум често на насловна
…a штета за коментарите што отидоа колатерал…
on март 15th, 2010 at 9:37 am
Доколку смеам да се противам на така Велик ум како оној на Жижек, ама навистина сум убеден дека и капитализмот и комунизмот (а и социјализмот како дериват) се обична илузија во нашиот мозок. Тоа ти само фина идеолошка машинерија која интелекетуалниот ум го држи окупиран додека креаторот на истата вади добит и од едната и од другата идеолошки завојувана страна.
А што се однесува до Жижек, има ли поголем капиталист, па доколку сакаш и лицемер од оној кој шета по светот, раскажува мрсни вицеви по симпозиуми и се полни со пари сугерирајќи поделба на материјалните добра?
on мај 22nd, 2010 at 3:57 am
Jas ti blagodaram sho me “zapozna ” so Zizek
, covekot definitivno e talentiran ali edna zabeleska od psiholoshki aspekt ete: mislam deka tesko mu odi izrazuvanjeto, u smisla – sakam kazam ne znam recam, ali postujem, dobar e 
) a i mislam deka u krajna mera ne mu ni doslo do kapitalizmot, ednostavno saka da bide Roker! 
Ali ti use ednas dva prsta krevam, imas dobar text.. 
on мај 22nd, 2010 at 8:34 am
Eeeeh toa Kominternata zaeba stvar,crkna prerano i premnogu naglo!
bez idea sto da pravat samite so sebe i gi napusti.
Ostavi eden kup kuraglavi proleteri bez um.
Ostavi eden kup autisti-drveni filosofi.
Ostavi bezbroj vakvi `deca vo godini`
Katastrofa edna nevidena.